د شارجه کتاب په نړيوال نندارتون کې د عباسي مقدس آستان د قرآني آثارو ګډون

ایکنا -  د عباسي مقدس حرم د قرآن کريم علمي کمپلیکس په متحده عربي اماراتو کې د شارجه د  کتاب نړیوال نندارتون په څلور څلويښتم پړاؤ کې  د خپلو  ۱۲۰ څخه زياتو قرآني خپرونو آثار وړاندې کړل.

ایکنانیوز د  «الکفيل» له قوله راپور راکړ، مهند الميالي،چې د نجف اشرف د قرآن کريم د مؤسسې مشر دی او دا مؤسسه د عباسي مقدس حرم د قرآن په  علمي  ټولنې پورې تړلې ده، وويل: عباسي حرم د همدې کمپلیکس د سټال له لارې د شارجه  د کتاب په نړيوال نندارتون کې د قرآن کريم د علمي کمپلیکس له خوا تر ۱۲۰ زيات  آثار نندارې ته وړاندې کړي دي.

هغه زياته کړه: نندارې ته وړاندې شوي آثار د دايرةالمعارفونو او له هغو کتابونو څخه جوړ دي چې د دغې ټولګې له لوري د قرآن کريم د علومو او هنرونو په بېلابېلو برخو کې د څېړونکو او متخصصينو لپاره خپاره شوي دي، او دا آثار د نندارتون د علمي او کلتوري  محفلونو  له خوا له پراخ هرکلي او ښه  تعامل سره مخ شوي دي .

الميالي څرګنده کړې ده چې د عباسي مقدس حرم د قرآن کريم  علمي کمپلیکس د عراق د استازي په توګه په دغه نندارتون کې برخه واخيسته،چې په هغه کې ۲۳۰۰ خپرندويه ادارې د ۱۱۸  هېوادونو استازيتوب کوي.دا ګډون د دې مرکز د پرانستې تګلارې په چوکاټ کې دی،څو د سيمه‌ييز او نړيوال موقعيت له لارې له ورته بنسټونو سره د خپلو څېړنيزو تاليفاتو په مټ تعامل ولري.

https://iqna.ir/fa/news/4316063